Vetëvrasja e një emigranti maroken në një burg në Itali, pas më shumë se një muaj qëndrim në kampin e Gjadrit në Lezhë, ka shkaktuar reagime të forta nga organizatat dhe aktivistët për të drejtat e njeriut.
Të prekur nga ky rast, aktivistë shqiptarë dhe të huaj u mblodhën përpara ambienteve të kampit në Gjadër të dielën, ku zhvilluan homazhe për të ndjerin dhe një protestë simbolike për të denoncuar kushtet çnjerëzore, në të cilat sipas tyre mbahen emigrantët.
Aktivistët kërkuan hetim të pavarur për rastin e 42-vjeçarit Hamid Badoui, ndërsa denoncuan raste të tjera incidentesh që po ndodhin çdo ditë brenda kësaj strukture.
“Drejtësi për Hamidin” dhe “Liri për emigrantët” ishin disa nga parullat, ndërkohë që tufa me lule u vendosën në hyrje të kampit.
Kristina Millona, aktiviste për të drejtat e njeriut, deklaroi se qendra të tilla prodhojnë vetëm dëshpërim.
“Hamidi ishte një prej djemve fatkeqë të shoqëruar forcërisht drejt këtyre kampeve, në Gjadër. I burgosur dhe liruar pas një muji e tre ditëve, ai u rikthye në Itali, por liria nuk zgjati shumë. I mbyllur përsëri pas hekurave dhe nga frika se mos e rikthenin në Gjadër, Hamidi i dha fund jetës tragjikisht,” tha Millona, duke e krahasuar kampin e Gjadrit me burgun famëkeq të Guantanamos.
Kampi i Gjadrit u ndërtua nga qeveria italiane pas një marrëveshjeje me kryeministrin Rama dhe po shërben aktualisht për izolimin e emigrantëve të cilëve u është refuzuar e drejta për azil dhe që rrezikojnë të kthehen në vendin e tyre të origjinës.
Vetëvrasja e 42-vjeçarit maroken ka risjellë në vëmendje shqetësimet e shprehura më herët nga organizatat ndërkombëtare mbi menaxhimin e refugjatëve në Shqipëri.
“Raportet flasin për 40 incidente në muajin e parë brenda Gjadrit. Ne kërkojmë urgjentisht ndërprerjen e transfertave drejt Shqipërisë, lirimin e të gjithë emigrantëve në Gjadër dhe një hetim të pavarur për përgjegjësitë institucionale,” deklaroi Millona gjatë protestës.
qendre është zgjeruar.Ajo po shërben edhe si qendër për emigrantët të cilëve u është refuzuar kërkesa për azil dhe që pritet të deportohen në vendet e tyre të origjinës.
Reporter.al
Po ç’ju ha bytha juve për Hamidin e Marrokut ?
Si pergjigje te kesaj proteste po mendojme ne si parti te dalim ne nje manifestim atje ne Gjader ku te kerkojme sjelljen ne Shqiperi te tere refugjateve qe i shkojne Italise e ndertimin e tjere kampeve anembane vendit me pankarta te fotove Rama-Meloni shtrenguar si trup i vetem.
Protesta te fabrikuara, si ato te Sazan Gurit. Keta krijojne problemin kur nuk kishte problem, dhe pastaj fabrikojne dhe protesten ” Kunder ” problemit qe vete krijuan. E kane manual operimi kete, dhe per shume gjera te tjera.
Kane me qindra aktiviste dhe protestues ne bordero, qe i perdorin si pacavure protestuese, kur ju duhen te shesin gjoja opozite. Keshtu vene ne gjume shumicen e mendjeve te njerezeve, qe ata te mendojne se po protestohet vertete.
Edi Rama do qe te ringjalle dhe Policine Vullnetare te Fuksave, AGPV-ne e Monizmit. Po ndertojme Socializmin me hap rrevolucionar.