Drejtësia i jep një tjetër goditje të përpjekjeve për drejtësi të familjeve të 4 protestuesve të opozitës, të vrarë më 21 janar 2011 në bulevardin përballë Kryeministrisë, nga forcat e Gardës së Republikës dhe me një urdhër që kaloi nëpër zinxhirin komandues, deri tek kupola shtetërore.
Teksa Prokuroritë kanë zgjedhur të bëjnë ‘ping-pong’ mes tyre, Gjykata u përgjigjet me të njëjtën ‘lojë’. Në këtë dinamikë dyshuese, Gjykata e Posaçme kundër Krimit të Organizuar dhe Korrupsionit ka vendosur sot në Dhomë Këshillimi, mospranimin e ankimit të familjarëve të 21 Janarit.
Familjarët kishin ankimuar vendimin e SPAK, që ia kaloi kallëzimin e tyre për kompetencë Prokurorisë së Tiranës. Me këtë vendim, çështja e 21 Janarit nuk do të merret nën hetim nga Prokuroria e Posaçme, duke i kaluar sërish Prokurorisë së Tiranës.
Edhe më herët, familjarët e viktimave të 21 Janarit kanë shprehur mosbesimin e tyre se çështja mund të zbardhet në një gjykatë të zakonshme. Megjithë përpjekjet e vazhdueshme dhe përkujtimoret çdo vit, drejtësia për këtë ngjarje të rëndë ka mbetur në vendnumëro, me vendime modeste apo dhe qesharake, deri në pafajësi të autorëve.
Kujtojmë se 21 janar 2011, gjatë një proteste të Partisë Socialiste, në bulevardin “Dëshmorët e Kombit”, para Kryeministrisë u vranë katër protestues nga Garda e Republikës. Gjatë protestës së 21 janarit 2011, mbetën të vrarë Aleks Nika, Ziver Veizi, Hekuran Deda dhe Faik Myrtaj.
Nuk duhete qe te pranonin parat e dhena nga agai i surrelit! Ata kane shitur gjakun e te afermeve dhe agai i surrelit i ka bere nder karaxhicit te tropojes! Kjo eshte e gjitha nje loje e ndyre qe bene tarafi i politikbwresve per te mos cenuar njeri tjetrin pertej limitit te rene dakorte prej tyre! Prandaj, keq me vjen pwr te vraret por familjaret e tyre e jane shitur gjakun e tyre ku me para ku me poste! “Drejtesia” eshte e bere per pushtetin, marshimi ç’do 21 janar eshte vetem nje hipokrizi e shpifur!
Sa para ju ka dhene agai i Surrelit?
Ja si hidhen me komente menjëherë b¥q!rat e byrektores së SHQUP-it.