Drejtoresha e SHISH në Washington, a po kërkon CIA spiunë të rinj në Ballkanin Perëndimor

Shefja e inteligjencës shqiptare Vlora Hyseni ka udhëtuar drejt Washingtonit për t’u takuar me drejtorin e CIA-s.

Mësohet se në takimin me John Ratcliffe, Drejtorin e Agjencisë Qendrore të Inteligjencës së SHBA, u diskutuan një sërë çështjesh të bashkëpunimit dypalësh, thuhet në njëftimin e SHISH.

Sipas njoftimit në takimet e mbajtura midis datave 15-17 maj 2025,u shkëmbyen vlerësime mbi situatën e sigurisë rajonale dhe ndërkombëtare, ku u diskutua mbi thellimin e bashkëpunimit, si dhe rritjen e kapaciteteve të inteligjencës.

Vizita në SHBA dëshmon përkushtimin e agjencive respektive për të mbështetur me inteligjencë cilësore dhe paralajmëruese autoritetet e vendimmarrjes strategjike të dy vendeve, për të garantuar sigurinë rajonale dhe ndërkombëtare, por ndyshe shkruajnë mediat në Washington DC.

Gazeta Washington Post në një shkrim të muajt Maj, raporton se shefi i CIA-s po përballet me një provë të vështirë në përpjekje për të rigjallëruar spiunazhin e huaj.

Drejtori John Ratcliffe dëshiron të rindërtojë radhët e zvogëluara të agjentëve të huaj të CIA-s, por ditët e arta të spiunazhit janë larg.

Sipas Washington Post, CIA ka nevojë për më shumë spiunë sepse taktikat tradicionale të spiunazhit njerëzor, gjithnjë e më shumë, nuk po funksionojnë, thonë zyrtarë aktualë dhe ish-zyrtarë të inteligjencës amerikane.

Suksesi i CIA-s në rekrutimin e të huajve për të ndarë sekrete jetësore me Shtetet e Bashkuara ka rënë ndjeshëm vitet e fundit, thanë zyrtarët. Rekrutimi i agjentëve të rinj ka rënë me përqindje dyshifrore që nga viti 2019.

“Ne të gjithë e dimë se mbledhja e inteligjencës njerëzore nuk është aty ku duhet të jetë”, tha drejtori i CIA-s, John Ratcliffe, në seancën e tij të konfirmimit në Senat në janar.

Ratcliffe e ka bërë përmbysjen e trendit një nga prioritetet e tij kryesore në CIA. Por sfida e shefit të spiunazhit është e vështirë, thanë zyrtarët, shumë prej të cilëve folën me kusht anonimiteti për të diskutuar çështje të ndjeshme të inteligjencës.

j.l./ dita