Dy dronë ukrainas janë rrëzuar afër Moskës gjatë natës, bëri me dije ministria ruse e Mbrojtjes.
Një nga mjetet ajrore u shkatërrua pranë një aeroporti të madh në jug të qytetit, ndërsa i dyti u kap në perëndim.
Sulmet me dronë në kryeqytetin rus janë shtuar muajt e fundit, me presidentin Volodymyr Zelenskyy, i cili paralajmëroi muajin e kaluar se “lufta” tashmë po zhvendosej në Rusi.
“Një përpjekje e regjimit të Kievit për të kryer një sulm terrorist me mjete ajrore pa pilot u parandalua mbi territorin e rajonit të Moskës”, tha Ministria e Mbrojtjes ruse në një mesazh në Telegram.
“Dy dronët u shkatërruan nga mbrojtja ajrore”, vijon komunikata.
Njëri prej dronëve u qëllua pranë Domodedovos, ku ndodhet një nga aeroportet më të mëdha ndërkombëtare të Rusisë dhe një tjetër pranë autostradës së Minskut, shtoi Sergei Sobyanin, kryebashkiaku i qytetit .
Javën e kaluar, një bllok zyrash në distriktin e biznesit të Moskës u godit dy herë brenda pak ditëve nga dy sulme dronë bnë zemër të kryeqytetit rus.
j.l./ dita
