Katër anëtar të Hamasit, të dyshuar për planifikimin e sulmeve terroriste në Evropë, janë arrestuar nga autoritetet gjermane dhe holandeze. Lajmi konfirmohet nga prokurori federal i Gjermanisë.
Tre persona u arrestuan në Gjermani dhe një në Holandë me dyshimin për planifikimin e sulmeve ndaj institucioneve hebraike në Evropë, tha në një deklaratë prokurori.
Hamasi është klasifikuar nga Shtetet e Bashkuara, Bashkimi Evropian dhe vende të tjera si një organizatë terroriste.
Në lidhje me ngjarjen ka reaguar edhe ministrja e Brendshme gjermane Nancy Faeser, e cila falënderoi autoritetet policore gjermane dhe holandeze, duke deklaruar se kjo “tregon se autoritetet tona të sigurisë janë jashtëzakonisht vigjilente dhe veprojnë në mënyrë të vazhdueshme”.
“Mbrojtja e hebrenjve është prioriteti ynë kryesor. Ne përdorim të gjitha mjetet kushtetuese kundër atyre që kërcënojnë jetën e hebrenjve dhe ekzistencën e shtetit të Izraelit”, tha ndër të tjera Faeser.
j.l./ dita
