Një makinë është përplasur me një autokolonë që ishte pjesë e stafit të sigurisë së Presidentit amerikan Joe Biden.
Biden dhe Zonja e Parë, Jill Biden sapo ishin larguar nga selia e tij e fushatës kur ndodhi përplasja.
Sipas Shtëpisë së Bardhë nuk pësuan lëndime pas incidentit.
Presidenti amerikan dhe Zonja e Parë kishin dalë nga selia e Biden-Harris 2024 në qendër të qytetit në Wilmington, pas një takimi me anëtarët e ekipit të tij, raporton ‘Abcnews.go.com’.
Makina me targa Delaware goditi autokolonën e Presidentit amerikan në kryqëzimin përballë hyrjes së selisë së fushatës.
Makina, e cila pësoi dëmtime në pjesën e përparme dhe në pak sekonda u rrethua nga oficerët e sigurisë, ndërsa Biden dhe bashkëshortja e tij u kthyen të sigurt në shtëpinë e tyre në Wilmington pas incidentit.
Mbetet e paqartë nëse ngjarja ishte aksident apo e qëllimshme.
j.l./ dita
