Një ngjarje e rëndë raportohet nga Durrësi, aty ku është gjetur trupi i pajetë i një gruaje.
Sipas informacioneve paraprake, trupi i pajetë është gjetur poshtë Urës së Dajlanit, nga kalimtarë që kanë njoftuar menjëherë Policinë.
Viktima është rreth 30 vjeçe.
Paraprakisht dyshohet se ajo mund të ketë qenë përdoruese droge, por ekzaminimet e mëtejshme pritet të hedhin dritë për zbardhjen e plotë të kësaj ngjarjeje.
“Rreth orës 10:35, në lagjen nr. 13 Durrës, poshtë urës së “Dajlanit”, është gjetur pa shenja jete një shtetase endacake ende e paidentifikuar, rreth moshës 20-30 vjeçe.
Grupi hetimor ndodhet në vendngjarje dhe po punon për sqarimin e rrethanave të ngjarjes”, bën me dije Policia e Durrësit.
j.l./ dita
