Një person u arrestua dhe një tjetër u shpall në kërkim pasi tentuan të vrisnin një 58-vjeçar me sëpatë.
Autorët janë babë e bir, 63 dhe 40 vjeç. Policia njoftoi se kanë arrestuar babain ndërsa vijon të jetë në kërkim djali 40-vjeçar.
Sa i përket të plagosurit, ai ndodhet në spital nën kujdesin e mjekëve.
Çfarë ndodhi?
Paraditen e së shtunës, uniformat blu morën një njoftim se në fshatin Shtyllas është plagosur një person me mjet prerës.
“Menjëherë pas njoftimit të marrë, shërbimet e Komisariatit të Policisë Fier kanë shkuar në vendngjarje dhe falë reagimit në kohë kapën dhe shoqëruan një nga autorët e dyshuar”, njoftoi policia.
63-vjeçari akuzohet për vrasje me paramendim, e kryer në bashkëpunim dhe e mbetur në tentativë.
Ndërkohë Policia tha se “po punohet intensivisht për kapjen e djalit të tij, shtetasit N. P., 40 vjeç”.
Autoritetet sekuestruan në cilësinë e provës materiale sëpatën me të cilën autorët goditën 58-vjeçarin.
Paraprakisht dyshohet se shkak i kësaj ngjarjeve të jetë bërë një konflikt për motive të dobëta.
j.l./ dita
