Një fëmijë 11-vjeçar raportohet se ka humbur jetën në lumin Rrapun, që derdhet në Shkumbin, pasditen e sotme. Ngjarja ka ndodhur në zonën e quajtur ‘Fusha e Kromit’.
Trupi i pajetë i të miturit është nxjerrë nga ekipet e zjarrfikëses së Librazhdit, të ndihmuara edhe nga kolegët vendorë dhe policia.
Paraprakisht dyshohet se i mituri është futur për t’u larë dhe është mbytur aksidentalisht, teksa kërkonte të lahej duke shuar temperaturat e lartë, kurse emri i tij nuk bëhet ende i ditur, teksa hetimet janë aktive për zbardhjen e rrethanave dhe shkaqeve.
“Rreth orës 16:15, në fshatin Tokëz, shtetasi A. A., rreth 11 vjeç, banues në Librazhd, dyshohet se është mbytur aksidentalisht duke u larë në lumin Rrapun. Shërbimet e Policisë dhe të zjarrfikëses kanë shkuar në vendin e ngjarjes dhe kanë bërë të mundur nxjerrjen nga lumi, të trupit të pajetë të këtij shtetasi”, njoftoi policia.
