Një ngjarje e rëndë është raportuar sot në Maliq, ku dy persona janë vënë në pranga pasi kanë abuzuar seksualisht dhe kanë shfrytëzuar për prostitucion një 16-vjeçare.
Rasti u zbulua pasi e mitura ka treguar nënës së saj për ngjarjen dhe kjo e fundit ka bërë denoncimin në polici.
Sipas dëshmisë së saj vajza i ka thënë se “do të mbytem” dhe më pas ka treguar se çfarë ka ndodhur. Ajo thotë se 26-vjeçari e kërcënonte të mos tregonte asgjë. Më tej tregon se ai e merrte çdo ditë me motor nga shkolla.
26-vjeçari akuzohet për veprën penale “Shfrytëzimi i prostitucionit”, ndërkohë në pranga është vënë edhe një 41-vjeçar i cili akuzohet për veprën penale “Marrëdhënia seksuale ose homoseksuale me dhunë me të mitur të moshës 14-18 vjeç”.
E mitura ka treguar se 41-vjeçari në muajin qershor të vitit 2024, ka kryer marrëdhënie seksuale me dhunë me të dhe i ka dhënë para.
i.b./dita
