“Epidemia” e shtyrjes së koncerteve nga grupet dhe këngëtarët e njohur po bëhet virale. Madona, Ed Sheeran, Bruce Springsteen, dhe tani… Grupi amerikan Aerosmith, i cili riplanifikoi koncertet e turit të tyre lamtumirës, ’Peace Out’, për shkak të problemeve me fytin që ka këngëtari dhe lideri i Band, Steven Tyler.
“Më thyhet zemra të them se kam marrë urdhër të rreptë nga mjeku që të mos këndoj për tridhjetë ditët e ardhshme”, thuhet në mesazhin e Tyler të postuar në llogarinë e grupit në Instagram.
“Unë pësova dëmtime në kordat e mia vokale gjatë ‘show’ të shtunën, gjë që shkaktoi gjakderdhje të mëvonshme. Ne duhet të shtyjmë disa data që të mund të kthehemi dhe t’ju japim performancën që meritoni.”
Grupi klasik i rock-ut i përbërë nga Tyler (vokal), Joe Perry (kitarë kryesore), Brad Whitford (kitarë), Tom Hamilton (bas) dhe Joey Kramer (bateri) ricakton datat.
Kështu duket turneu i Aerosmith ‘Peace Out’:
-Më 29 janar 2024 në Detroit, MI-Little Caesars Arena.
-Më 14 shkurt 2024 në Çikago, IL-United Center.
-Më 17 shkurt 2024 në Uashington, DC-Capital One Arena.
-Më 21 shkurt 2024 në Toronto, ON-Scotiabank Arena.
-Më 26 shkurt 2024 në Releigh. NC-PNC Arena.
-29 shkurt 2024 Cleveland, OH-Rocket Mortgage FaithHouse
