Instinktivisht, ne e dimë fuqinë që ka muzika në rregullimin e humorit dhe energjisë tonë, veçanërisht kur bëjmë një stërvitje intensive, ose kur kemi luhatje të ndryshme emocionale.
Por jo vetëm kaq, hulumtimet e kryera së fundmi tregojnë se të dëgjuarit muzikë mund të sjellë përfitime të shumta në shëndetin tonë, si në atë fizik, ashtu edhe në atë mendor.
Pasi të lexoni në vijim se cilat janë realisht efektet befasuese dhe përfitimet që sjell muzika në shëndetin tonë, ju do të shtoni playlistën e këngëve tuaja të preferuara.
Lehtëson dhimbjen
Muzika mund të zvogëlojë shumë intensitetin e dhimbjes, veçanërisht në kujdesin geriatrik, kujdesin intensiv, ose mjekësinë paliative.
Stimulon shumicën e zonave të trurit
Muzika aktivizon pothuajse të gjitha rajonet e trurit tuaj. Gjithashtu, forcon lidhjet midis pjesëve të ndryshme të trurit.
Truri plaket ngadalë dhe me hijeshi
Muzika është një trajtim i shkëlqyeshëm për ata që jetojnë me demencë dhe sëmundjen e Alzheimerit. Të rriturit e moshuar që jetojnë me kushte të tilla, shpesh përfitojnë nga terapia muzikore, pasi përmirëson aftësitë e tyre njohëse dhe komunikuese.
Rrit qëndrueshmërinë e stërvitjes
Dëgjimi i këngëve tuaja të preferuara gjatë stërvitjes, mund të rrisë performancën tuaj fizike dhe qëndrueshmërinë në realizimin e ushtrimeve.
Përmirëson performancën e vrapimit
Dëshironi një mënyrë të thjeshtë për të mposhtur kohën tuaj më të mirë të vrapimit? Dëgjoni këngën tuaj të preferuar. Do t’ju ndihmojë të vraponi më shpejt dhe të rrisni qëndrueshmërinë tuaj.
Përshpejton rikuperimin pas stërvitjes
Një studim zbuloi se dëgjimi i muzikës, veçanërisht muzikës së ngadaltë, pas një stërvitje mund të ndihmojë trupin të rikuperohet më shpejt.
Përmirëson cilësinë e gjumit
Dëgjimi i muzikës klasike ka treguar se trajton në mënyrë efektive pagjumësinë. Kjo është një alternativë e mirë për të mbajtur sa më larg ilaçet e gjumit.
Rrit kreativitetin tuaj
Studimet kanë zbuluar se dëgjimi i muzikës së lumtur, siç është muzika klasike, mund të rrisë krijimtarinë tuaj.
Ndihmon që të hamë më pak
Një studim zbuloi se luajtja e muzikës së butë dhe zbehja e dritave, mund t’i ndihmojë njerëzit të ngadalësojnë shpejtësinë ndërsa hanë. Prandaj, do të konsumoni edhe më pak ushqim.
Redukton stresin
Hulumtimet kanë zbuluar se dëgjimi i muzikës mund të lehtësojë stresin duke nxitur reduktuesit tanë biokimikë të stresit.
Lehtëson simptomat e depresionit
Kur ndiheni të dëshpëruar, muzika mund t’ju ndihmojë të ngriheni. Megjithatë, hulumtimet sugjerojnë se lloji i muzikës ka rëndësi. Tingujt klasikë dhe meditues janë ngritës, ndërsa metali i rëndë dhe tekno mund të përkeqësojnë simptomat e depresionit.
Përmirëson funksionin e enëve të gjakut
Shkencëtarët zbuluan se emocionet që përjetojnë pacientët gjatë dëgjimit të muzikës kanë një efekt të shëndetshëm në funksionin e enëve të gjakut. Dëgjimi i muzikës, gjithashtu i bën ata të ndihen më të lumtur.
Nxit meditimim
Dëgjimi i ritmeve të ngadalta muzikore mund të ndryshojë shpejtësinë e valëve të trurit, duke krijuar aktivitet të valëve të trurit të ngjashëm me atë, kur një person mediton. Mund të ndihmojë në lehtësimin e simptomave të migrenës, madje edhe çështjeve të sjelljes.
Përmirëson performancën njohëse
Hulumtimet tregojnë se muzika në sfond mund të përmirësojë performancën në detyrat njohëse. Sidoqoftë, do të varet nëse muzika së pari përmirëson gjendjen emocionale të një personi.
Rrit motivimin
Studimet kanë treguar se muzika ka fuqinë për të rritur motivimin kur bëhet fjalë për sportet dhe detyrat e punës.
Relakson pacientët para operacionit
Një studim zbuloi se dëgjimi i muzikës ndihmoi në qetësimin e pacientëve të kirurgjisë kardiovaskulare përpara procedurës së tyre
Lehtëson stresin pas operacionit
Jo vetëm që muzika është e dobishme para operacionit, por një studim tjetër zbuloi se dëgjimi i muzikës në shtrat pas operacionit, gjithashtu ndihmoi pacientët të relaksoheshin.
Ndihmon të performojmë më mirë në situata me presion të lartë
Një studim zbuloi se basketbollistët e prirur për të performuar dobët nën presion ishin dukshëm më të mirë, nëse së pari dëgjonin muzikë tërheqëse dhe optimiste.
Redukton ankthin po aq sa një masazh
Një studim zbuloi se efekti i muzikës në nivelet e ankthit është i ngjashëm me efektin e masazhit. Tani, imagjinoni të bëni një masazh me muzikë!
E mban zemrën të shëndetshme
Studimet tregojnë se dëgjimi i muzikës relaksuese mund të ngadalësojë rrahjet e zemrës dhe të ulë presionin e gjakut.
Ndihmon pacientët me kancer të menaxhojnë stresin dhe ankthin
Studimet kanë zbuluar se muzika mund të ndihmojë pacientët me kancer të komunikojnë ndjenjat e tyre, të menaxhojnë stresin dhe të lehtësojnë dhimbjet fizike.
Lehtëson rikuperimin tek pacientët me goditje në tru
Studiuesit në Finlandë arritën në përfundimin se kur pacientët me goditje në tru dëgjuan muzikë për dy orë në ditë, kujtesa e tyre verbale dhe vëmendja përmirësoheshin. Ata ishin gjithashtu më pozitivë se pacientët që nuk dëgjonin muzikë.
Forcon sistemin imunitar
Dëgjimi i muzikës mund të ndihmojë në lehtësimin e stresit dhe në nxitjen e gjendjeve të relaksimit duke rregulluar hormonet tona. Dhe këto hormone ndihmojnë në funksionimin e sistemit tuaj imunitar.
Rregullon humorin
Një studim i vitit 2013 zbuloi se muzika i ndihmoi njerëzit të kishin një humor më të mirë.
Rregullon sistemin nervor
Dëgjimi i muzikës së qetë dhe relaksuese ul hormonet e stresit. Ai gjithashtu liron hormonet e relaksimit.
p.k\dita
