Në emisionin “Wake Up” ka qenë i ftuar eksperti i sigurisë Fatjon Softa, i cili ka përshkruar me detaje si mund të ketë ndodhur sulmi me kallashnikov drejt godinës së Top Channel.
Ai shprehet se nuk ka qenë objektiv roja i sigurisë Pal Kola, por edhe plumbi që e ka qëlluar atë nuk ka qenë rikoshet.
Pyetje: Ndërkohë përsa i përket vrasjes, sa mendoni se është aksidentale?
Fatjon Softa: Unë mendoj që është aksidentale, nuk ka qenë objektiv punonjësi i shërbimit. Unë kam qenë në vendin e ngjarjes, kam pasur mundësi ta shikoj me shumë vëmendje dhe përdorimi i armës apo qëllimi me kallashnikovë ka ndodhur, ju keni një perimetër në atë strukturë e cila ka dy porta hyrëse, porta e parë, ku ka dhe një stacion më të përqendruar të kamerave dhe punonjësve të shërbimit që është porta kryesore dhe porta e dytë ku hyjnë mjetet.
Meqenëse në portën e parë keni telekamerat, të cilat kontrollojnë dhe regjimin e hyrjes dhe daljes dhe rrugën, atëherë mesa duket atentatorët nuk kanë qëlluar në këtë moment, por qëllojnë mbasi i kalojnë kamerat.
Kanë përdorur armën duke qëlluar strukturën, pra katin e dytë deri në lartësinë e katit të tretë, arma ka krijuar një sinusoid, pra hekurat shpues dhe pjesa e strukturës sipër ka një sinusoid dhe ndërprerja e qitjes vjen pikërisht në momentin që vjen afër portës fundore.
Nëse do të kishte objekt punonjësin e shërbimit, ai ishte në vendin me sheshpamjen më të pastër dhe më të dukshme për të qëlluar në vijë të drejtë punonjësin e shërbimit. Por pikërisht aty në ato moment është ndërprerë.
Plumbi i parafundit ka qenë shpuzë, pra nuk ka qenë rikoshet, ka qenë shpuzë dhe ai ka vajtur drejtpërdrejt, ka bërë shpimin e tubit, ka shpuar drejtpërdrejt kabinën, jo xhamin, pjesën e poshtme dhe ka përshkuar trupin e punonjësit të shërbimit, ka dëmtuar pjesën e mbrapme dhe aty ka ndaluar, aty ka fjetur plumbi.
Disa ditë më parë, gazetari investigativ Artan Hoxha deklaroi se plumbi që vrau të ndjerin Kola, ishte rikoshetë.
j.l./ dita
Jam nje lexues i thjesht i gazetes Dita. Me ben pershtypje nje fenomen i vecant: Vrasjet,krimet,perdhunimet e ndodhura analizohen dhe ster analizohen nga gazetar “expert”, “analist” “investigues” qe flasin per nje kohe te gjate, dhe nuk analizohen nga expertet e policise se shteti! Une do te besoja dhe do te isha shume i kenaqur qe ne ekrane te degjoj expert te policise se shtetit me ze dhe figure m shume se sa gazetare qe marin persiper rolin e policit!
Keshtu pergjegjsia do te ishte me e sakte dhe direkte!