Një bandë kriminale e quajtur Los Lobos ka marrë përgjegjësinë për ekzekutimin e një kandidati në zgjedhjet presidenciale të Ekuadorit, Fernando Villavicencio.
Vrasja vjen më pak se dy javë përpara zgjedhjeve presidenciale, në të cilat çështja e pasigurisë shfaqet si shqetësimi kryesor.Një video është bërë virale ku shihet, politikani i rrethuar nga sigurimi teksa afrohet drejt automjetit të tij. Por, në momentin që Fernando hyn në makinë dëgjohen të shtëna me armë drejt tij, ku nuk mundi t’i mbijetojë plagëve të marra.
Los Lobos është banda e dytë më e madhe në Ekuador me rreth 8 mijë anëtarë, ku shumë prej të cilëve janë në burg. Banda ka qenë e përfshirë në një shumë përleshje vdekjeprurëse kohëve të fundit në burgje, ku dhjetëra të burgosur janë vrarë brutalisht.
Los Lobos mendohet se ka lidhje me Kartelin e Gjeneratës së Re Jalisco me bazë në Meksikë (CJNG), për të cilin trafikon kokainë.
Kujtojmë se prej vitesh në këtë shtet operojnë edhe kartele të fuqishme shqiptare, që e kanë kthyer Ekuadorin një bazë të dytë dhe të lehtë të narkotrafikut, duke shmangur Kolumbinë. Madje kanë pasu bashkëpunime herë pas here edhe me grupin “Los Lobos”.
Fernando Villavicencio ishte një armik i këtyre organizatave të narkotrafikut dhe shpesh shprehej për pastrim nga krimi i organizuar.
