Anëtari i njohur i mafies greke, Vangelis Zampounis, u ekzekutua natën e kaluar në qendër të Athinës. Sipas informacioneve të para, të publikuara nga mediat helene mbi viktimën u qëlluan me mbi 80 plumba duke e lënë të vdekur në vend.
Ndërkohë pak pas krimit të rëndë, në dalje të Athinës u gjet edhe automjeti i autorëve, një fuoristradë e cila rezulton e marrë me qira. Brenda makinës u gjetën edhe 2 kallashnikovë dhe të paktën 1 pistoletë, armë të përdorura gjatë sulmin mbi Zampounis.
Viktima ishte një ndër eksponentët më të rëndësishëm të mafias greke. Para 4 vitesh ai i kishte shpëtuar një atentati ku kishte marrë plagë të rënda, por për fat autorit i ishte bllokuar arma dhe nuk kishte mundur t’i jepte goditjen përfundimtare.
Policia greke po mbledh materiale nga kamerat e sigurisë që kanë regjistruar momentin e ekzekutimit, si dhe lëvizjet e autorëve para dhe pas vrasjes, ndërsa ka marrë në pyetje në cilësinë e dëshmitarit një taksist, i cili në atë moment ndodhej në pikën e karburantit.
Gazetari i Top Channel, Artur Bibe raporton se viktima 44-vjeç akuzohet për vrasjen e disa personave.
Po ashtu, ai akuzohej si ekzekutori i bandës së vëllezërve Vlastos, të vrarë njëri një burg dhe tjetri me atentat të ngjashëm me këtë të sotmin.
Zabunis tentoi t’i bënte atentat gjykatëses që po gjykonte vllezërit Vlastos në 2012 por ngjarja u shmang falë ndërhyrjes së policisë.
j.l./ dita
