Një atentat me armë zjarri ka ndodhur pak pas mesnate në lagjen nr.18 në Durrës.
Ermir Dedja, 29 vjeç është qëlluar me armë zjarri dhe si pasojë ka ndërruar jetë në spital.
Policia ka mbërritur në vendin e ngjarjes dhe po vijojnë kontrollet për kapjen e autorit/ve.
Ndërkohë vijojnë dhe hetimet për zbardhjen e plotë të ngjarjes.
Dedja dyshohet se ishte duke lëvizur në këmbë në lagjen nr.18, kur u qëllua me breshëri plumbash nga autorët e maskuar.
Sipas burimeve, i riu Dedja sapo kishte zbritur nga makina kur është qëlluar me breshëri plumbash nga një armë kallashnikov.
Këta të fundit u larguan nga vendi i ngjarjes me makinë.
Raportohet gjithashtu se një person ka vëzhguar lëvizjet e të riut dhe më pas ka sinjalizuar autorët.
Bëhet me dije se Policia ka sekuestruar pamjet filmike të kamerave të sigurisë në zonë, të cilat raportohet se janë të shumta, për shkak të bizneseve që ndodhen aty. Kanë qenë banorët ata që kanë njoftuar policinë për ngjarjen.
Mësohet se viktima, Ermir Dedja ka qenë i përfshirë në një plagosje me armë zjarri në vitin 2017, i cili në atë kohë u vu në pranga si bashkëpunëtor i autorit në plagosje.
10 vjet më parë, në 2015, po ashtu ka qenë arrestuar si i dyshuar për shitjen e një sasie lënde narkotike dy shtetasve nga Hasi, qe do e trafikonin në Kosovë.
Njoftimi i Policisë:
Durrës/Informacion paraprak
Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital.
Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.
Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve.
Viktima, Ermir Dedja ka qenë i përfshirë në një plagosje me armë zjarri në vitin 2017, i cili në atë kohë u vu në pranga si bashkëpunëtor i autorit në plagosje.
j.l./ dita
