Rreth 10 mijë hyrje dhe mbi 6 mijë dalje janë regjistruar vetëm gjatë fundjavës në pikën e kalimit kufitar të Kapshticës.
Ditët e fundit të vitit janë shfrytëzuar nga shtetasit shqiptarë që jetojnë dhe punojnë në Greqi për t’u kthyer në vendlindje dhe për të festuar Vitin e Ri me familjarët e tyre.
Për të përballuar fluksin, autoritetet tona sqarojnë se është punuar me sportele maksimale ndërsa janë alternuar në varësi të situatës.
Ndryshe nga vitet e tjera qytetarët nuk kanë pritur shumë në pikën e kalimit kufitar të Kapshticës kjo edhe për shkak se edhe pala greke ka punuar me sportele maksimale.
Ashtu siç hynë gjatë këtij 10 ditëshi të fundit të vitit pritet që një fluks i shtuar i lëvizjeve në drejtim të Greqisë të ndihet rreth datave 4,5 dhe 6 janar.
j.l./ dita
