Një konflikt raportohet se ka degraduar në përdorimin e thikës në Vlorë.
Si pasojë dyshohet se janë plagosur tre persona, të cilët janë dërguar në spital për ndihmë mjekësore.
Policia sqaroi se konflikti ka ndodhur për motive të dobëta, ku kanë mbetur të dëmtuar shtetasit Xh. H., 20 vjeç, E. T., 18 vjeç dhe H. N., 18 vjeç.
Xhuliano Hodaj dhe Enea Tafili, raportohet se kanë plagosur njëri-tjetrin me thikë.
Një 18 vjeçar, autor i plagosjes së tre të rinjve në Vlorë, ka rënë në prangat e policisë ndërsa është shpallur në kërkim një tjetër.
Ngjarja ka ndodhur rreth orës orës 12:30, në lagjen “Isa Boletini”, ku pas një konflikti për motive të dobëta me njëri-tjetrin, u plagosën me thikë dy 18-vjeçarë dhe një 20-vjeçar.
Në vijim të veprimeve procedurale, gjatë kontrollit në banesën e 18 vjeçarit të arrestuar, policia gjeti dhe sekuestroi 1 pistoletë sportive, 2 përforcues grushti dhe 2 mjete prerëse (thika). Vijon puna për kapjen e autorit tjetër të përfshirë.
j.l./ dita
