Një aksident i rëndë me dy të vdekur ka ndodhur në në Librazhd, pranë fshatit Pishkash.
Policia bën me dije se një 55-vjeçar nga Devolli ka humbur kontrollin e mjetit duke përfunduar në përroin e Legajcës.
Raportohet se 55-vjeçari së bashku me bashkëshorten kanë ndërruar jetë, ndërkohë vijon puna për të nxjerrë trupat e pajetë.
Viktimat janë Arjan Yze dhe Majlinda Yze. Ata ishin nisur nga Tirana mbrëmjen e djeshme.
Njoftimi i Policisë:
Rreth orës 07:45, në aksin rrugor “Librazhd-Prrenjas”, shtetasi A. Y., rreth 55 vjeç, banues në Devoll, duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga dhe ka rënë në përroin e Lengajcës.
Nga ky aksident kanë humbur jetën shtetasi A. Y. dhe bashkëshortja e tij, shtetasja M. Y., rreth 50 vjeçe, e cila ishte pasagjere në këtë automjet. Shërbimet e Policisë dhe ato të Zjarrfikëses ndodhen në vendin e ngjarjes dhe vijojnë punën për nxjerrjen e trupave të të 2 shtetasve që ndodheshin në automjet. Grupi hetimor vijon punën për zbardhjen e plotë të rrethanave të këtij aksidenti.
j.l./ dita
