Edhe sot, në ditën e tretë, Gjykata e Posaçme po zhvillon seancën për vlerësimin e masës së sigurisë për ish-kryeministrin Sali Berisha.
Seancat kanë dështuar për dy ditë më radhë, ndërsa ditën e sotme ish-kryeministri Berisha do të mbrohet nga dy avokatët e shtetit Jalldiz Kastrati dhe Rabije Cenalia, të cilat kanë mbërritur në seancë.
Berisha është lënë në detyrim paraqitje dhe ndalim për dalje jashtë shtetit, pasi hetohet për korrupsion me privatizimin e ish-kompleksit Partizani.
Po kush janë dy avokatet që iu caktuan?
Rabije Cenalia
Ajo ka marrë pjesë në pendesën e Enrik Hoxhaj. Ky i fundit lidhi një marëveshje bashkëpunimi me prokurorin e rrethit Elbasan, Kreshnik Ajazi, për të treguar ngjarjet kriminale ku ai ishte i implikuar.
Pyetja e Hoxhaj, u bë nga një hetues i Byrosë Kombëtare të Hetimit dhe një oficer i policisë gjyqësore, pranë Drejtorisë Kriminale në Policinë e Shtetit. Hoxhaj u pyet në prani të avokates Rabije Cenalia, duke treguar të gjithë aktivitetin kriminal.
Jalldiz Kastrati
Kastrati, njihet si avokate e disa prej grupeve kriminale më të rrezikshme si Banda e Cërrikut, apo Banda e Durrësit. Vite më parë, ajo ka rënë pre e një grabitje, ku iu zhdukën dokumente të rëndësishme të dosjeve hetimore.
Po ashtu, Kastrati ka qenë kandidate për deputete nga radhët e Lëvizjes Socialiste për Integrim.
j.l./ dita
