Silvester Dheug, 34 vjeç me banim në Angli, është turisti që ka ndërruar jetë këtë të diel në zonën e Shkëmbit të Kavajës, ndërsa partnerja/shoqëruesja e tij në motorin e ujit, Vera Ruani 31 vjeçe është në gjendje të rëndë në spital.
Këta dy shtetas kishin ardhur për pushim në Shqipëri dhe sot po luanin me motor uji (jet ski) në zonën e plazhit të Shkëmbit të Kavajës, kur Silvester Dheug ka humbur kontrollin dhe ka rënë në ujë bashkë me partneren e tij.
Ngjarja ka ndodhur pa para mesditës, rreth orës 11:15 kur shërbimet e Policisë Kufitare në Portin e Durrësit janë njoftuar se dy shtetas që lundronin me një mjet lundrues Jet Ski, dyshohet se gjatë manovrave kanë humbur kontrollin mbi mjetin lundrues dhe kanë rënë në ujë.
Efektivët kanë shkuar me mjet lundrues menjëherë në ndihmë të dy shtetasve që kishin rënë në ujë, duke bërë transportimin e tyre për në port, me qëllim dërgimin drejt spitalit.
Nga verifikimet paraprake të ekipit të urgjencës së spitalit, që ishte në pritje në port, rezultoi se njëri prej shtetasve kishte humbur jetën.
Bëhet fjalë për Silvester Dheug, 34 vjeç me banim në Angli, ndërsa shtetasja Vera Ruani 31 vjeçe, banuese në Angli, u transportua menjëherë për në spital në gjendje të rëndë shëndetësore.
Një grup i posaçëm hetimor dhe nën drejtimin e Prokurorisë vijon punën për zbardhjen e rrethanave dhe dokumentimin ligjor të rastit tragjik, që mund të thuhet se është ngjarja e parë që njollos sezonin veror në Shqipëri, ende pa nisur mirë.
j.l./ dita
Uji eshte ende i ftohte ,Nuk ben per lojra te rrezikshme.Andej nga gushti ecni luani me jepa.