Një person është gjetur i vrarë brenda në makinë në Shkodër.
Mësohet se ngjarja ka ndodhur në Dragoç të Postribës.
Bëhet me dije se 33-vjeçari Ramazan Mataj është personi i cili u gjet i vrarë me armë zjarri në makinën e tij në fshatin Dragoç.
Paraprakisht dyshohet se Mataj është qëlluar me armë zjarri brenda në makinë.
Bëhet me dije se 33-vjeçari është nga Dragoçi, ndërsa ende nuk dihen rrethanat e kësaj ngjarjeje.
Njoftimi i Policisë:
Rreth orës 07:15, në fshatin Dragoç, në rrugë, është qëlluar me armë zjarri në drejtim të automjetit tip Benz, me drejtues shtetasin R. M., 33 vjeç, banues në Dragoç, Shkodër, i cili ka humbur jetën. Në vendngjarje kanë shkuar shërbime të shumta të Policisë dhe Forca Kombëtare e Sigurisë, Njësia Shkodër.
Është ngritur një grup i posaçëm hetimor dhe në drejtimin e Prokurorisë vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të rastit, identifikimin dhe kapjen e autorëve.
j.l./ dita
