Të shtëna me armë zjarri ka ndodhur mbrëmjen e sotme në qytetin e Sarandës.
Konkretisht ngjarja ka ndodhur në lagjen nr.4 të qytetit në rrugën “Mitat Hoxha”.
Mësohet se nga të shtënat një person ka mbetur i plagosur.
Gjithashtu forca të shumta policie ndodhen në vendin e ngjarjes. Ndërkohë i plagosuri është transportuar drejt Spitalit të Sarandës. Po ashtu bëhet me dije se i plagosur ka mbetur Adil Veli 54-vjeç.
Mësohet se ai ka qenë më parë efektiv policie, megjithatë ende nuk dihen motivet e kësaj ngjarjeje.
Ndërkohë policia ka dalë në një reagim zyrtar në lidhje me plagosjen. • Sipas njoftimit të policisë bëhet me dije se Adil Veli gjatë një konflikti u godit me tytë pistolete.
Gjithashtu mësohet se arma është shkrepur në mënyrë të pavullnetshme në ajër dhe pa shkaktuar pasoja. Po ashtu si provë materiale, në vendin e ngjarjes është gjetur dhe sekuestruar një gëzhojë dhe arma e zjarrit.
Ndërkohë grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit të dyshuar, si dhe për dokumentimin e plotë ligjor të saj.
Njoftimi i Policisë:
Sot, rreth orës 19:10, në lagjen nr. 4, Sarandë, dyshohet se gjatë një konflikti është dëmtuar me një send të fortë, dyshohet me tytën e një pistolete, shtetasi A. V., 56 vjeç, i cili ndodhet në spital, nën kujdesin e mjekëve.
Nga këqyrja paraprake e vendit të ngjarjes, dyshohet se gjatë momentit të goditjes me tytën e armës, arma është shkrepur në mënyrë të pavullnetshme në ajër, pa shkaktuar pasoja. Si provë materiale, në vendin e ngjarjes është gjetur dhe sekuestruar një gëzhojë arme zjarri.
Grupi hetimor po punon për sqarimin e plotë të rrethanave të ngjarjes, identifikimin dhe kapjen e autorit të dyshuar, si dhe për dokumentimin e plotë ligjor të saj.
j.l./ dita
