Presidenti i Turqisë, Rexhep Tajip Erdogan u ankua të enjten se nuk ndjehej rehat me përdorimin e asaj që ai e përshkroi si “ngjyra LGBT” në Asamblenë e Kombeve të Bashkuara, e cila është zbukuruar këtë javë me ngjyra të ndezura që promovojnë Objektivat e Zhvillimit të Qëndrueshëm.
“Një nga çështjet që më shqetëson më shumë janë ngjyrat LGBT në ambientet e Asamblesë së Përgjithshme të Kombeve të Bashkuara. Sa LGBT ka në botë tani? Sado të drejtë të jenë në këto hapa, ata kundër LGBT-së kanë po aq të drejtë gjithashtu”, tha Erdogan.
Erdogan tha se do të kishte dashur ta diskutonte këtë shqetësim të tij me Sekretarin e Përgjithshëm të OKB-së Antonio Guterres, shkruajnë mediat e huaja.
Qeveria e Turqisë – e udhëhequr nga Erdogan dhe Partia e tij AK me rrënjë islamike – ka ashpërsuar qëndrimin e saj ndaj lirive LGBTQ.
j.l./ dita
