Presidenti turk Rexhep Tajip Erdogan mund të vazhdojë fushatën e tij zgjedhore por me kufizime, për shkak të problemeve shëndetësore.
Presidenti vendosi të mos marrë pjesë në inaugurimin e planifikuar të sotëm të një ure në Adana, në jug të Turqisë.
Megjithatë, ai do të marrë pjesë në inaugurim përmes videokonferencës nga zyra e tij.
Erdogan ka zhvilluar një fushatë me një ritëm intensiv dhe zakonisht bënte tre dalje publike në ditë.
Por presidenti 69-vjeçar në largim u sëmur të martën mbrëma, dy javë para zgjedhjeve parlamentare dhe presidenciale.
Ai u detyrua të ndërpresë një intervistë të drejtpërdrejtë televizive për shkak të një shqetësimi në stomak dhe më pas pezulloi fushatën e tij zgjedhore.
Ditën e djeshme, ai u shfaq shkurtimisht në një video-konferencë me presidentin rus Vladimir Putin, në të cilën presidenti turk u duk i zbehtë.
Ministri i Shëndetësisë Fahrettin Koca tha se Erdogan kishte probleme me stomakun dhe kishte nevojë për pushim.
Sondazhet e fundit tregojnë për një betejë kokë më kokë midis Erdogan dhe rivalit të tij kryesor për presidencën, liderit të opozitës Kemal Kilicdaroglu.
j.l./ dita
