Presidenti i Turqisë, Recep Tayyip Erdogan, ka telefonuar Halil Umut Melerin, gjyqtarin që u sulmua pas ndeshjes Ankaragucu – Rizespor. Kjo telefonatë ndodhi pasi Ministri i Punëve të Brendshme, Ali Yerlikaya, vizitoi gjyqtarin, trajtimi i të cilit vazhdon në spital, pas sulmit fizik që pësoi nga presidenti i klubit Ankaragucu, Faruk Koca, transmeton Gazeta Express.
“Sapo vizitova gjyqtarin tonë të nderuar. Uroj që të shërohet shpejt. Urimet e mia ua kam përcjellë miqve të tij që morën pjesë në ndeshje. Dëshira jonë është që në sport të mos ketë asnjë lloj dhune. Çështja është tani në gjykatë. Procesi gjyqësor vazhdon. Ne besojmë në drejtësi”, tha ai pas vizitës.
“Presidenti ynë i nderuar thirri gjyqtarin tonë në telefon gjatë vizitës sonë. Ai foli me gjyqtarin tonë dhe shprehu dëshirat e tij për një shërim të shpejtë. Ai tha se po e ndiqte procesin dhe deklaroi se e dënon aktin. Mori informacion edhe për gjendjen e gjyqtarit tonë”, deklaroi Yerlikaya.
p.c. / dita
