I dërguari i Posaçëm i SHBA-ve për Ballkanin Perëndimor, Gabriel Escobar do takohet sot me liderët e shtetit.
Këto takime të tij në Prishtinë vinë një ditë para takimit të Kurtit me Vuçiç në Ohër.
Escobar do ta nisë ditën me presidenten Vjosa Osmani.
Në orën 09:00, Osmani do ta presë Escobarin në Presidencë, e më pas takimi do të pasohet me një konferencë për media. Pas Osmanit, emisari amerikan do të niset drejt Kuvendit të Kosovës, ku në takim do ta presë kryekuvendari Glauk Konjufca.
Qëndrimin e tij në Prishtinë, Escobar do ta finalizojë me kryeministrin Albin Kurti, në orën 11:00.
Mbrëmjen e djeshme emisari i SHBA-ve zhvilloi një darkë me opozitën, nisur nga fakti se dy partitë opozitare, PDK dhe LDK, kanë shprehur rezerva lidhur me propozimin evropian.
j.l./ dita
