Espanyoli siguroi tri pikë të arta përballë Rayo Vallecanos, ndeshje që u luajt në Madrid. Skuadra katalanase triumfoi 1-2 në transfertë, sukses tepër i rëndësishëm për qëndrimin në La Liga. Ivan Balliu luajti gjatë gjithë ndeshjes për vendasit, ndërkohë që Keidi Bare u fut në fushë në minutën e 67’ për Espanyolin, kur rezultati ishte 1-2 për katalanasit, që luanin në transfertë.
Miqtë kaluan në avantazh në mesin e pjesës së parë me anë të Sergi Darder. Kapiteni gjeti cepin e portës falë një diagonaleje të saktë. Rayo fitoi një penallti në fundin e fraksionit të parë, të cilën e ktheu në gol Raul de Tomas, duke ndezur festën në stadium. Espanyoli iu fal sërish aftësive të kapitenit për të shënuar golin e fitores. Minuta e 59’, driblime fantastike të Darder, goditja e të cilit u plas në shtyllë.
Nico Melamed përfitoi nga topi i rikthyer dhe e dërgoi atë në rrjetë, duke i dhuruar skuadrës së tij një fitore jetike për objektivin mbijetesë. Kur duhen edhe tre javë nga fundi, ka një ngjeshje skuadrash në fund të tabelës, aq sa janë të paktën tetë skuadra të rrezikuara, me Elche që ka rënë prej dy javësh dhe Espanyl e Valladolid që mbajnë dy vendet e tjera të rënies, teksa Getafe, Valencia, Almeria, Celta Vigo dhe Mallorca, nëse nuk marrin pikë javët e mbetura, mund të rrëzohen në të dytën. Marzhi i pikëve mes tyre është 34 pikë Espanyol i vendit të 19-të, 35 pikë Getafe e vendit të 18-të dhe 44 pikë Mallorca e vendit të 12-të, në tre javë të mbetura…