Eurodeputeti austriak Lukas Mandl e konsideron Serbinë si bllokuese të Kosovës në ecurinë e marrëveshjes mes dy vendeve.
Sipas tij, nga fqinji verior vërehet qartazi një atmosferë urrejtjeje dhe një ideologji shumë negative.
Eurdeputeti austriak ka vlerësuar rolin e Bashkimit Evropian që po bën më shumë se kurrë më pare pëe ti dhënë fund mosmarrëveshjeve dhe shuarjes së tensioneve Kosovë-Serbi.
Por Mandl shtoi se në këtë pikë, është nevojitur ndihma e SHBA.
“Duhet të jemi të qartë për faktin se edhe në këtë gjendje agresioni nga jashtë në tokën evropiane, ne nuk jemi në gjendje të ndihmojmë plotësisht veten në Evropë, ne përsëri kemi nevojë për ndihmën e SHBA-së dhe dua të jem i sinqertë për këtë dhe të jem gjithmonë i qartë dhe transparent për këtë, por gjithsesi, Bashkimi Evropian po bën më shumë se kurrë më parë”, tha Mandl.
