Familja e zjarrfikësit italian që u masakrua për vdekje me grushte e shkelma nga truproja shqiptar i lokalit të natës, vendosën të bënin një gjest human duke dhuruar organet jetësore të të birit për të sëmurët në nevojë. Një tjetër moment rrënqethës ishte edhe postimi i fotos dhe momentit të fundit me djalin në shtratin e spitalit, ku i japin puthjen e lamtumirës.
Claudio Tucci, babai i Giuseppe-s, 34-vjeçari që u vra pas një përleshje në një klub, shpërndau një foto në Facebook, duke treguar momentet e fundit. Në imazhet e publikuara nga mediat italiane, shihet babai, i cili puth të birin pranë shtratit të tij në repartin e terapisë intensive të Spitalit Infermieror Rimini, ku ai ishte në koma. 34-vjeçari ndërroi jetë pas një dite e gjysmë agonie. Sipas prokurorisë publike të Riminit, 28-vjeçari shqiptar, Klajdi Mjeshtri, duhet të përgjigjet për vrasjen dhe ndodhet në burg për atë që ndodhi natën mes së shtunës dhe të dielës së 11-12 qershorit.
Claudio Tucci, zjarrfikës si djali i tij, e kujtoi Giuseppe-n kështu:
“Përshëndetje Peppe, sot në mëngjes në orën 07:18 u bë një javë që kur binte celulari i babait, me kaq profesionalizëm dhe delikatesë një mjek na ftoi të shkonim në Rimini, pjesa tjetër tani është lajm. Asgjë dhe askush nuk do të jetë në gjendje të na ngushëllojë, por i vetmi shpjegim që duam t’i japim vetes për të sjellë tragjedinë është se ju takoni një djall të shtunën mbrëma dhe shumë engjëj prisnin që të shpëtoheshit. Dhe do të vazhdojnë rrugëtimin e tyre tokësor falë jush! një përqafim i madh mami dhe babi”.
Klajdi Mjeshtri, 28-vjeç me origjinë shqiptare, por i lindur dhe rritur në Itali, është arrestuar pasi akuzohet për “vrasje me dashje” të 34-vjeçarit, Giuseppe Tucci, punonjës zjarrfikëse. Sherri në fjalë ka nisur pasi e dashura e shqiptarit, është ankuar se 34-vjeçari po e ngacmonte. Hetimet janë ende në proces, kurse i dyshuari dikur ka qenë edhe gjyqtar futbolli për skuadrat e moshave.
