Një ngjarje e rëndë u regjistrua pak ditë më parë në Burrel, ku një i mitur 2 vjeç, u ndje keq në çerdhe dhe ndërroi jetë rrugës për në spital.
Babai i tij, në një rrëfim ekskluziv për mediat tha se djali i tij nuk kishte asnjë problem me zemrën.
Madje ai tha se vogëlushi nuk kishte pasur asnjë problem as me zemrën, gjë që u tha në disa media.
“Ai ishte i qetë dhe nuk kishte probleme shëndetësor. Djali pati një viroze të lehte dhe kishte ditë që e kishte kaluar. E çuam në çerdhe shumë mirë. Edukatorët na thanë se pas gjumit djali kishte vjellë. Ai humbi ndenjat në çerdhe dhe ndërroi jetë rrugës për në spital. Atë ditë nuk ishte i sëmurë, madje nuk vuante as nga zemra”, tha babai.
Edhe pse në dhimbjen e humbjes së fëmijës, babai i fëmijës së ndjerë ka përjashtuar mundësinë e një pakujdesie nga edukatoreve.
“Edukatorja po mundohej të më shpjegonte por unë nuk isha në gjendje ta dëgjoja. Më tha ‘për Zotin e kam mbajt në krah dhe ai vazhdonte villte’.
Kishte të vjella, dhimbje barku gjatë kohës së virozës, po dilte dhe një dhëmballë.
Ngjarja ndodhi rreth orën 11:30.
Ishin dy edukatoret në spital më treguan që djali u çua nga gjumi, dhe po villte, i kishte vjell edhe në bluzë.
Nuk ma do mendja që të jetë pakujdesi e edukatoreve. Bashkëshortja ime i mori në telefon 5-10 minuta para ngjarjes”, tha ai.
j.l./ dita