Champions League do zhvillojë sot tetë ndeshjet e mbetura për raundin e katërt në grupe. Në 18:45 zhvillohen dy duele, ndërsa në 21:00 gjashtë të tjerat. Në Madrid, Atletico e Simeone pret Club Brugge për grupin B. Me nëntë pikë pas tre fitoresh, skuadra belge mban vendin e parë në grup duke i surprizuar të gjithë. Me vetëm tri pikë, Atletico qëndron në vendin e fundit, teksa edhe Porto e Leverkuesen kanë po nga tre pikë.
Në Napoli, vendasit luajnë me Ajax. Të parët në klasifikim, djemtë e Spallettit kërkojnë diktatin. Nga ana tjetër Ajax kërkon të marrë hak për humbjen e javës së shkuar. Në grupin A Napoli prin me 9 pikë, Liverpool me 6, Ajax me 3 dhe Rangers me zero pikë. Në Skoci në 21:00 luan Rangers me Liverpool.