Ndërsa dy tërmete të frikshëm me magnitudë 7.8 dhe 7.5 të shkallës Rihter në Kahramanmaraş shkaktuan shkatërrime të mëdha në 10 provinca, një imazh i pasqyruar në kamerat në Adiyaman pas tërmetit habiti të pranishmit.
Ajo që u vu re ishte fakti se godina e Qendrës Kulturore “Commagene”, e cila u vu në shërbim në shtator të vitit të kaluar, e përbërë e gjitha nga kolona hekuri dhe faqe xhami, qëndroi në këmbë pa asnjë dëmtim.
Ndërtesa e parë smart në qytet
Projekti ka filluar në vitin 2015 dhe ndërtimi 5 vite më vonë, përkatësisht në vitin 2020, dhe në shtator të vitit 2022 hapi dyert për herë të parë, duke u bërë ndërtesa e parë inteligjente e qytetit.
Godina është antisizmike. Kolonat e hekurit nuk janë ngjitur me saldim por janë lidhur me sistem vidhosje. Si të tilla ato kanë lëvizur në vetvete pa u thyer dhe pa ushtruar presion mbi vetratat e mëdha.
Kjo ka bërë të mundur që edhe pse lëkundjet ishin tepër të forta, nuk është thyer qoftë edhe një fasadë xhami e godinës.
Ndërtesat rreth saj u rrafshuan, sikur të mos kishin ekzistuar asnjëherë.
j.l./ dita
