Është shpallur fituesi i Konkursit Ndërkombëtar për hartimin e projektit për Qendrën e Vizitorëve në Parkun Kombëtar të Butrintit.
Në konkurs morën pjesë 4 studio të njohura të arkitekturës: Kengo Kuma & Associates (Japoni), Lahdelma & Mahlamäki Architects (Finlandë), Philippe PROST / AAPP (Francë) dhe William Matthews Associates (Mbretëria e Bashkuar).
Juria përzgjodhi si fituese studion Kengo Kuma & Associates (Japoni).
“Për qasjen unike arkitekturore në krijimin jo thjesht të një objekti, por të një porte hyrëse në pasurinë e Butrintit, me një pamje të mrekullueshme dhe krijimin e një hapësire publike takimi për komunitetin lokal dhe turistët” – shkruan në një postim në FB, kreu i Ministrisë së Kulturës, Elva Margariti.
Procesi i seleksionimit dyfazësh u organizua nga Malcolm Reading Consultants në bashkëpunim me Ministrinë e Kulturës së Shqipërisë dhe Fondacionin për Menaxhimin e Butrintit.
Konkursi u financua nga Fondacioni Shqiptaro-Amerikan për Zhvillim The_AADF. Më poshtë, disa pamje të projektit:
o.p. / dita