Protesta e zhvilluar këtë të martë para Parlamentit është shoqëruar me tensione dhe përplasje mes protestuesve dhe forcave të Policisë.
Protestuesit e pozicionuar pranë qendrës tregtare Toptani kanë sulmuar me vezë makinën e deputetes së Partisë Socialiste, Ilva Gjuzit, teksa kjo e fundit ka dalë nga seanca plenare.
Siç shihet edhe nga pamjet, qytetarët kanë qëlluar me vezë automjetin e deputetes, ndërsa menjëherë kanë ndërhyrë forcat e Policisë, të cilat kanë tentuar të hapin rrugën për të mundësuar kalimin e makinës së Gjuzit.
Situata ka sjellë përplasje mes protestuesve dhe efektivëve të Policisë.
Gjatë kësaj përplasjeje janë shoqëruar gazetari dhe aktivisti Shpend Gashi, si dhe kreu i partisë “Shqipëria Bëhet”, Adriatik Lapaj.
j.l./ dita
