Një çarje e re e vullkanit që u aktivizuar sërish dje ka shkatërruar barrierat mbrojtëse të një qyteti në Islandë nga llava, situatë e cila është konseideruar shumë serioze nga kryemistri dhe disa zyrtarë të vendit. Shpërthimi vullkanik ndodhi të dielën në mëngjes pranë Grindavik, qytet, banorët e të cilit ishin evakuuar që në muajin nëntor përpara shpërthimit të parë masiv.
Lava kërcënoi sërish komunitetin dje, por kryeministrja Katrín Jakobsdottir tha se barrierat po e kryenin funksionin e tyre dhe e larguan pjesën më të madhe të rrjedhës, sipas Sky News. Shefi i mbrojtjes civile Víoir Reynisson tha se ndërsa rryma kryesore e llavës doli jashtë barrierave, çarja e re brenda tyre ishte skenari i rastit më të keq.
Një opsion që po merret në konsideratë është përdorimi i pompave për të ftohur llavën me ujë të detit duke shpresuar që kjo do të kufizojë dëmtimin në qytet. Presidenti i Islandës Gudni Johannesson tha në platformën “X” se asnjë jetë njeriu nuk është në rrezik, megjithëse infrastruktura mund të jetë nën kërcënim. Ai tha gjithashtu se asnjë fluturim nuk ishte ndërprerë apo anuluar.
Shpërthimi ndodhi pas një serie tërmetesh të vogla në rajonin jugperëndimor, dhe shpërthimi i së dielës ishte i pesti në gadishullin Reykjanes që nga viti 2021.
j.l./ dita
