Prej 6 ditësh zjarret masive kanë përfshirë disa fshatra të Finiqit, si Velahovë, Livinë, Ardhasovë, Bistricë e Krongj.
Era e fortë që favorizoi përhapjen e flakëve ka bërë gjithashtu që Saranda të mbulohet nga një re hiri.
Pamjet e publikuara nga Vox News tregojnë automjete të mbuluara nga grimca të imta hiri dhe mbetje djegieje, duke krijuar një shtresë të dukshme pluhuri të zi.
Fenomeni ka ndikuar ndjeshëm në cilësinë e ajrit dhe duke krijuar shqetësim tek banorët dhe turistët.
Ndërkohë autoritetet vijojnë përpjekjet për të vënë nën kontroll vatrat e zjarrit në Finiq.
