“Mos besoni gjithçka shihni në internet”, postoi një copë sallam dhe tha se ishte një “botë e re”, shakaja e drejtorit të CEA bëhet virale

Etienne Klein, drejtor i kërkimit në Komisionin Francez të Energjisë Atomike (CEA), vendosi të bënte një shaka epike për të tërhequr vëmendjen mbi manipulimet e shumta në internet, të cilat përdoruesit e tij i besojnë.

Ai postoi në Twitter foton e një fete sallami në një sfond të zi.

Për ta bërë të besueshme postimin e tij në Twitter, ai sqaroi se imazhi është marrë nga teleskopi hapësinor James Webb. Madje, ka nënvizuar nivelin e detajeve të fotografisë, duke shkruar se “një botë e re zbulohet dita-ditës”.

Konkretisht, Klein shkroi: “Fotografia e Proxima Centauri, ylli më i afërt me Diellin, i vendosur në një distancë prej 4.2 vite dritë. Shkarkuar nga JWST. Ky nivel detajesh… Një botë e re zbulohet dita-ditës”.

Ky postim shkaktoi shumë bujë në internet. Tweet-i i tij u bë viral dhe u komentua mijëra herë. Pati 1,344 retweet dhe 10,000 pëlqime, ndërsa një nga gazetarët kryesorë të BFM tha se ishte në ekstazë!

Pasi u përball me bujën që kishte marrë shakaja e tij, Klein u kthye dhe zbuloi se ishte një mashtrim shkencor. Ai u bëri thirrje përdoruesve të rrjetit që të kenë kujdes me imazhet që qarkullojnë në rrjetet sociale.

“Ndihem i detyruar të theksoj se ky postim në Twitter që tregon një foto të pretenduar të Proxima Centaurit ishte thjesht një formë argëtimi. Le të mësojmë të jemi të kujdesshëm ndaj argumenteve, si dhe imazheve të caktuara…”, shkroi ai nën postimin e tij origjinal në Twitter

Photo de Proxima du Centaure, l’étoile la plus proche du Soleil, située à 4,2 année-lumière de nous.
Elle a été prise par le JWST.
Ce niveau de détails… Un nouveau monde se dévoile jour après jour. pic.twitter.com/88UBbHDQ7Z

— Etienne KLEIN (@EtienneKlein) July 31, 2022

o.j/dita