Gjermania po përgatitet që të ketë një vit ekonomik pa recesion. Në një intervistë për Bloomberg,
Kancelari gjerman Olaf Scholz tha se për këtë nevojitet shmangia e një “lufte” tregtare evropiane me SHBA.
Sipas tij, ekonomia gjermane “është në gjendje t’i mbijetojë efekteve të krizës energjetike shkaktuar nga lufta ruse në Ukrainë pa rrëshqitur në recesion.
“Unë besoj fuqishëm se kjo nuk do të ndodhë – ne nuk do të shkojmë në recesion”, tha kancelari Scholz.
Ai u shpreh pro politikës së deglobalizimit.
“Ne kemi nevojë për një zinxhir furnizimi që nuk do të lidhet me një vend apo rajon, sepse kështu, kur të ketë një problem në një rajon, ne do të mund t’u drejtohemi të tjerëve, me të cilët do të jemi tashmë të lidhur”, shtoi kancelari gjerman. m.b./dita
