Ish-presidenti i SHBA-së, Joe Biden, presidenti i dytë katolik në histori të vendit pas John Fitzgerald Kennedy, do të marrë pjesë në funeralin e Papa Françeskut të shtunën.
Megjithatë, Biden nuk do të jetë pjesë e delegacionit zyrtar amerikan, i cili do të kryesohet nga Donald Trump. Udhëtimi do të jetë privat, për të nderuar lidhjen personale që ka pasur me Papën Françesku për më shumë se dhjetë vjet.
Ish-presidenti amerikan kishte planifikuar të udhëtonte në janar në Romë për t’u takuar me Papën, por ishte detyruar ta anulonte këtë udhëtim për shkak të zjarreve shkatërruese që goditën Kaliforninë.
Takimi i mundshëm mes Von der Leyen dhe Trump në Romë gjatë funeralit
Në Bashkimin Evropian nuk përjashtojnë mundësinë e një takimi mes Trump dhe Von der Leyen të shtunën në Romë, në kuadër të funeralit të Papës Françesku.
“Po vlerësojmë mundësinë e një takimi”, edhe nëse “për momentin nuk ka asgjë të konfirmuar”, tha Paula Pinho, zëdhënësja e presidentes së Komisionit Evropian, Ursula Von der Leyen, kur u pyet nga gazetarët në lidhje me një takim të mundshëm në Romë mes presidentes së Komisionit Evropian dhe presidentit të SHBA-së, Donald Trump.
“Qëllimi kryesor” i udhëtimit të Von der Leyen në Romë “është vërtet funeralit i Papës Françesku”. “Nëse lindin mundësi të tjera, gjatë funeralit, ato do të ishin, natyrisht, të dobishme.”
j.l./ dita
