Ambasadori shqiptar në Britaninë e Madhe Qirjako Qirko u shpreh pas protestës që komuniteti shqiptar zhvilloi në Londër, se shqiptarët janë një nga komunitetet më të mira, më shembullore këtu në Londër, më të mirë-integruara.
“Pra kur them është një komunitet shumë mirë, i integruar dhe i organizuar, çdo qasje tjetër nuk ka të bëjë me realitetin e komunitetit shqiptar këtu në Britaninë e Madhe”, u shpreh ambasadori Qirjako Qirko.
“Për mua ishte një gjë shumë pozitive pjesa e #protestës sepse nuk mund ti fusësh të gjithë emigrantët në një rrugë që janë të gjithë te rruga e gabuar.
Ka shumë emigrantë shqiptar që kanë ecur para, kanë ngritur bizneset e tyre, kanë investuar për këtë shtet dhe nuk janë vetëm emigrantët e errët. Kështu që pjesa më e madhe e emigrantëve janë ndier të fyer dhe të diskriminuar nga etiketimet që janë bërë nga ministri dhe kryeministri”, tha Santjola Kodra.
“Në Britaninë e Madhe ka një numër shumë të madh të emigrantëve në krahasim me këta që i cilësojnë kriminel, të atyre që janë të suksesshëm, arkitekt, doktor, janë këshilltar që e mbulojnë këtë anën negative por që fatkeqësisht ne nuk dimë ti promovojmë”, tha Abedin Bajraktari, emigrant i ligjshëm për mbi 25 vite në Angli.
m.b./dita
