Një 65-vjeçar është gjetur pa shenja jete pranë vendit të quajtur te “Kovalishenca” në qytetin e Pogradecit.
Policia thotë se në trupin e viktimës nuk janë konstatuar shenja dhune, ndërsa dyshohet se vdekja ka ardhur si pasojë e shkaqeve natyrale.
“Pasditen e sotme, tek vendi i quajtur “Kovalishenca”, në Pogradec, është gjetur pa shenja jete dhe pa shenja dhune shtetasi M. B., 65 vjeç. Nga të dhënat e para dyshohet se ky shtetas ka humbur jetën për shkaqe natyrale”, njofton policia.
Grupi hetimor po punon për përcaktimin e shkaqeve të vdekjes dhe zbardhjen e rrethanave të ngjarjes.
a.c./dita
