Dy vëllezër shqiptarë me banim në Gjermani, të moshave 32 dhe 36 vjeç, janë dënuar me burg të përjetshëm pasi akuzohen se kanë vrarë me armë zjarri një tjetër shqiptar.
Ngjarja ka ndodhur në vitin 2017, para një shkolle fillore në rrethin e Rotenburgut. Sipas mediave gjermane, gjithçka që ka nxitur këtë krim ka ndodhur në Shqipëri dhe dyshohet se bëhet fjalë për një gjakmarrje.
Viktima 46-vjeç që u vra nga dy vëllezërit në vitin 2017, akuzohej se kishte vrarë një 17-vjeçar në vitin 2011, i cili ishte kushëri i dy të arrestuarve. Të dy shqiptarët e kishin ndjekur shënjestrën e tyre dhe e kishin lokalizuar në Gjermani.
Ata e vranë para shkollës fillore, teksa 46-vjeçari priste të merrte djalin.
m.b./dita
