Pritja e gjatë tani ka marrë fund. ‘Euro 2024’ më në fund fillon (14 qershor-14 korrik) këtë mbrëmje në orën 21:00 në ‘Allianz Arena’ të Mynihut me ndeshjen mes Gjermanisë dhe Skocinë.
Edicioni në tokën gjermane do të jetë i 17-ti në histori dhe pas atij në 2020 (u zhvendos në 2021 për shkak të pandemisë Covid-19) do t’i rikthehemi normalitetit. Italia është kampionia në fuqi, Gjermania (së bashku me Spanjën) është kombi që ka fituar më shumë (3).
Pavarësisht se është vendi pritës, Gjermania nuk është ndër favoritët. Është faji i Botërorit të fundit katastrofik, me eliminimin në raundin e parë dhe një Europiani në 2021, që përfundoi në 1/16 kundër Anglisë.
Për këtë rast, Toni Kroos bëri rikthimin në kombëtare dhe do t’i japë lamtumirën futbollit në fund të eventit. Nagelsmann ka vendosur të fokusohet në një përzierje eksperience (Kroos, Gundogan, Neuer, Muller, Rudiger dhe Kimmich) dhe lojtarëve të rinj premtues (Musiala, Schlotterbeck dhe Wirtz).
Për Skocinë, kjo është pjesëmarrja e katërt pas atyre të viteve 1992, 1996 dhe 2020. Skocezët do të përpiqen të shesin shtrenjtë, edhe nëse nuk e kanë kaluar asnjëherë fazën e grupeve. Pasi humbi ‘bolonjezin’ Ferguson për shkak të dëmtimit, elementët më të rëndësishëm mbeten Robertson (mbrojtësi i majtë i Liverpool), McTominay (mesfushori i Manchester United), playmaker Billy Gilmour (Brighton) dhe qendërmbrojtësi i Real Sociedad, Kieran Tierney.
Nga edicioni i parë në vitin 1960 e deri më sot, 10 ekipe kombëtare kanë fituar trofeun e ‘Henri Delaunay Cup’, të emëruar për nder të sekretarit të parë të përgjithshëm të UEFA-s dhe promovuesit të edicionit të parë të ngjarjes.
‘Libri i Artë’ përshkruan nga tre fitore për Gjermaninë (dy si Gjermania Perëndimore, 1972 dhe 1980, dhe një pas ribashkimit, në 1996) dhe Spanjën (1964, 2008, 2012), dy fitore për Italinë (1968, 2021) dhe Francën (1984, 2000), një fitore për Bashkimin Sovjetik (1960), Çekosllovakia (1976), Holanda (1988), Danimarka (1992), Greqia (2004) dhe Portugalia (2016).
Formacionet e mundshme të kësaj ndeshjeje janë:
Gjermani (4-2-3-1): Neuer; Kimmich, Rudiger, Schlotterbeck, Raum; Andrich, Kroos, Gundogan; Musiala, Wirtz; Havertz. Tr. Nagelsmann.
Skoci (3-4-2-1): Gunn; Porteous, Hendry, Tierney; Ralston, McGregor, Gilmour, Robertson; McGinn, McTominay; Adams. Tr. Clark.
j.l./ dita
O Zot çoje ekipin e zemres time ne finale te kti kompeticioni shqipria vetem fitore ,kalojm grupin .