KultureLajmi i fundit

Zbulimet e reja, arkeologët: Lini konfirmohet si vendbanimi më i vjetër në Evropë

Në Lin ka përfunduar faza e parë e gërmimeve për vendbanimin e lashtë palafit, teksa profesori Adrian Anastasi konfirmon se ka patur gjetje të reja si gardh rrethues dhe jo vetëm.

Për arkeologun Ilir Gjipali, rëndësia e këtyre gjetjeve është tejet e madhe, pasi rikonfirmon se ky vendbanim është më i lashti në Europë.

Në këtë sesion mori pjesë edhe ambasadorja zvicerane në Shqipëri.

- Publicitet -
“Për ne si ambasadë e Zvicrës në Shqipëri, është shumë i rëndësishëm bashkëpunimi i ekspertëve të arkeologjisë nga Universiteti i Bernës me arkeologë të Shqipërisë, me një bashkëpunim që po zhvillohet tashmë prej disa vitesh. Kanë bërë shumë zbulime të rëndësishme për historinë e lashtë të këtij liqeni të vjetër të Ohrit në Pogradec. Për ne është shumë mirë që shohim këtë lloj bashkëpunimi mes ekspertëve, me trajnime të përbashkëta dhe shkëmbim njohurish, që tregon se ka një potencial të madh turizmi. Unë jam shumë e lumtur që jam këtu në Lin.”

Palafiti i Linit besohet të jetë më i vjetri në Evropë sa i takon vendbanimeve në zonat liqenore. Gërmimet nisën 4 vite më parë.

i.b./dita

Shpërndaje këtë artikull