Gjykata e Posaçme Antikorrupsion liron nga masa e sigurisë 6 pedagogët e Universitetit ”Aleksandër Xhuvani”, të cilët u arrestuan pak kohë më parë me akuzën e korrupsionit.
Më herët Gjykata e Elbasanit vendosi masën “pezullim nga detyra” për pedagoget dhe vlerësim të paligjshëm të arrestit. Tashmë GJKO vendosi heqjen e masës dhe 6 pedagogët do të
kthehen në detyrë.
Ndërkohë mbetet në arrest me burg personi i cili luante rolin e sekserit, dhe bashkëshortja e tij vazhdon të jetë e pezulluar nga detyra.
Emrat e pedagogëve:
Ornela Bilali, Lënda: Arti dhe krijimtaria në fëmijërinë e hershme.
Zyhra Gripshi, Lënda: Puna me familjen dhe komunitetin.
Adrian Shingjergji, Lënda: Edukimi motorrik dhe lojërat lëvizore.
Beatriçe Gani, Lënda: Të mësuarit nëpërmjet lojës.
Florinda Tarusha, Lënda: Filozofi e edukimit.
Monika Hodaj, Lënda: Edukim gjinor ne fëmijërinë e hershme.
Edlira Gugu, pedagoge në lëndën: Letërsi për fëmijë (u arrestua disa muaj pas kolegëve).
Pas një hetimi disamujor organi i akuzës shprehet se kishte mbledhur prova që vërtetonin se pedagogët vendosin nota kaluese kundrejt ryshfetit.
Dyshohet se ata kanë shfrytëzuar postin për të ndikuar si tek pranimet e reja ashtu edhe tek nota kaluese e studentëve të mësuesisë.
Lidhja mes pedagogëve dhe studentëve kryhej nga shtetasi Gazmend Hodaj, i cili luante rolin e sekserit.
i.b./ dita
