Presidenti i Koresë së Jugut, Yoon Suk Yeol, është shkarkuar nga detyra pas një vendimi unanim nga gjykatën kushtetuese, e cila mbështeti vendimin e parlamentit për ta fajësuar atë për shpalljen e ligjit ushtarak në dhjetor të vitit të kaluar.
Ky vendim vjen pas javësh diskutimesh dhe shqetësimesh për të ardhmen e demokracisë në vend, ndërsa të tetë gjyqtarët e gjykatës votuan për të hequr kompetencat e presidentit.
Pas këtij vendimi, Han Duck-soo, presidenti në detyrë, do të mbajë postin deri në zgjedhjet e reja presidenciale, të cilat duhet të zhvillohen brenda 60 ditëve. Han e ka siguruar popullin se do të bëjë çmos që të ruhet siguria kombëtare dhe rendi publik derisa të realizohen zgjedhjet, duke siguruar gjithashtu një kalim të qetë të pushtetit në administratën e ardhshme.
Në një fjalim televiziv, Han tha: “Duke respektuar vullnetin e popullit tonë sovran, do të bëj çmos për të menaxhuar zgjedhjet e ardhshme presidenciale në përputhje me kushtetutën dhe ligjin.”
Vendimi i gjykatës ka sjellë reagime të përziera në shoqërinë koreanojugore. Protestuesit anti-Yoon kanë festuar vendimin me emocion, ndërsa disa mbështetës të tij kanë shprehur pakënaqësinë duke shkatërruar pasuri të policisë pranë ndërtesës së gjykatës. Raportet e mediave thonë se një forcë e madhe policore, me 14,000 oficerë të pranishëm në Seul, ishte angazhuar për të shmangur çdo dhunë gjatë protestave.
Vendimi i gjykatës u shpall nga ushtruesi i detyrës së shefit të drejtësisë, Moon Hyung-bae, i cili tha se vendimi kishte qenë unanim, duke theksuar: “Ne shpallim vendimin e mëposhtëm, me marrëveshje unanime të të gjithë gjyqtarëve. (Ne) shkarkojmë Presidentin e paditur Yoon Suk Yeol.”
Mbështetësit e Yoon kanë shpërthyer në protesta, duke argumentuar se procedurat e shkarkimit janë të paligjshme dhe kërkojnë rikthimin e tij në detyrë. Yoon, i cili ka drejtuar Korenë e Jugut që nga viti 2022, ishte zgjedhur për të udhëhequr ekonominë e katërt më të madhe të Azisë, por vendimi i gjykatës ka thelluar ndarjen politike dhe shoqërore në vend.
j.l./ dita
