Një gjykatë ruse urdhëroi sot (të mërkurën) mbylljen e Grupit të Helsinkit të Moskës, OJQ-ja më e vjetër ruse për të drejtat e njeriut, mes një goditjeje ndaj zërave të fundit kritikë të vendit.
Arsyeja e kësaj lëvizjeje ishte se anëtarët e grupit, i cili u themelua në vitin 1976, kishin marrë pjesë në ngjarje “jashtë rajonit të tyre”, Moskës.
“Ju jeni duke bërë një mëkat të madh. Ju po shkatërroni lëvizjen për të drejtat e njeriut, po e shkatërroni atë,” i tha gjykatës gjatë seancës Valery Borshov, bashkëkryetar i grupit.
“Shpërbërja e grupit është një goditje e rëndë për lëvizjen e të drejtave të njeriut jo vetëm në Rusi, por edhe në botë,” shtoi ai.
Organizata u krijua në 1976 nga disidentët sovjetikë dhe prodhoi raporte të rregullta mbi abuzimet e të drejtave të njeriut në të gjithë vendin.
Kremlini tha se OJQ-ja nuk kishte regjistrimin e duhur. m.b./dita
