Një gjyq i pazakontë është zhvilluar në ambjentet e gjykatës së Fierit. Prokuroria e këtij qyteti ka çuar në bankën e të akuzuarve një 77-vjeçar të quajtur, Pandeli Stefa.
Më 30 korrik 2020, Salla Operative në Policinë e Fierit ka marrë njoftimin se në lagjen “Sheq i Vogël” u qëllua me armë dhe si pasojë kishte dhe dëmtime.
Llazi Kuqi telefonoi policinë se në banesën e tij, komshiu Pandeli Stefa, i ka qëlluar me armë gjahu maçokun e tij “Pipo”.
Oficerë të policisë kriminale, shkuan në vendgjarje dhe ka bërë dbllokimin e armës së gjahut, që e posedonte i pandehuri Pandeli Stefa, pushkë teke, e markës ruse, e llojit Bajkal, kalibër 12mm.
Ndërsa maçoku “Pipo”, i cili dergjej i gjakosur në oborrin e shtëpisë, është transportuar me urgjencë në një spital veterinar, me dëmtim të rëndë të një prej këmbëve të pasme dhe bishtit që s’mund të rikuperohej më.
“Pipo” është transportuar madje jashtë vendit për një mjekim më të specializuar, ndërkohë që Llazi Kuqit spitali i ka kërkuar 300 euro për vendosje proteze në këmbën e prapme, para të cilat ai nuk mundi t’i paguante.
Në këto rrethana ai ia ka lënë macen spitalit. Ky i fundit ia ka kaluar një shoqate për kujdesin ndaj kafshëve në Itali. Maçoku “Pipo” aktualisht ndodhet në Itali, nën kujdesin e shoqatës së kafshëve.
Prokuroria e Fierit e regjistroi procedimin për veprën penale të “Keqtrajtimit të kafshës”. Në gjyq, autori i krimit i pandehuri 77-vjeçar Pandeli Stefa tregoi rrethanat e krimit.
Stefa i tha gjyqtares Erlanda Agaj se maçoku “Pipo” hynte dhe dilte në oborrin e shtëpisë së tij dhe i dëmtonte shpendët.
Në fund të gjykimit prokurori i çështjes, Çlirim Sino kërkoi para gjykatës deklarimin fajtor dhe dënimin me 1 milion lekë gjobë të 77-vjeçarit Pandeli Stefa.
Nga ana e mbrojtjes u kërkua deklarimi i tij i pafajshëm dhe kthimin e armës çifte tek i zoti.
Pasi dëgjoi të dyja palët në proces, gjyqtarja e Fierit, Erlanda Agaj vendosi të deklarojë fajtor dhe dënojë 77-vjeçarin Pandeli Stefa, duke e detyruar këtë të fundit që me shpenzimet e veta, të bëjë publikimin e vendimit në media.
Sipas gjykatës njohja e këtij vendimi, ka interes për shtetasit dhe mbrojtjen e kafshëve.
j.l./ dita
Po edhe ky gjahtari, Pandeli Stefa, kur maçoku hante pulat nje here, dy here dhe i zoti apo e zanja e ”Pipo” maçokut nuk leviznin nga vendi, me marifet i fuste nje çikë bar miu mishngrenesit dhe problemi ishte zgjidhur me kohe, pa fjale, pa shpenzime dhe pa gjyqe.
Ne fshatin tone me kete metode kane shpetuar pulat nga maçoke e nga qente mishngrenes. Paguaj, o Pandi, nuk ke cfare te besh! Ia ke futur vetes.
Keto jane pislleqet e policise dhe drejtesise sone ! E fundit , pooooor e fundit fare ama . . . qe duhet t`u shkoje neper mend eshte nje “krim” i tille . Kemi nje det me probleme qe na sjell te vjella kur shohim se cfar iu shqetesoka juve “moderrnet” e botes se sotme qe inkurajoni paradat e LGBT, por qe realisht jetoni ne mes te nje bote thellesisht te inkriminuar, si derrat te zhytur ne lluce , por teper te kenaqur !