Ish-kreu i SHISH-it, Fatos Klosi në një intervistë televizive, duke folur për gjyqin në Hagë ndaj ish-komandantëve të UÇK-së, u shpreh se prokurorët e Speciales në Hagë nuk ia kanë dalë të jenë të sigurt për provat dhe dëshmitarët që kanë.
“Këta njerëz po akuzohen për të gjitha krimet që kanë ndodhur në Kosovë, edhe para e pas luftës. Me idenë që kita ishin shefat e UÇK-së dhe ajo ishte organizatë që luftonte dhe përveç luftës që ka bërë ndaj policisë, ushtrisë, paramilitarëve serbë, mesa duket ka bëre zullume jo aq të njohura. Akuza e tyre është e formuluar për veprime dhe mosveprime.
Pra që nuk kanë marrë masa që të mos ndodhin këto krime. Prokurorët në Hagë nuk ia kanë dalë të jenë të sigurt me ato prova dhe dëshmitarë qe kanë. Prandaj akuzat nga të thjeshta, tani janë përgjithësuar shumë. Këta akuzohen si udhëheqës të UÇK-së e cila ka gabuar.
Nuk e gjejnë dot ata nëse dikush ka vrarë. Të gjitha akuzat mbështeten në ngjarje që kanë ndodhur në 100 zona të ndryshme.”, tha Klosi.
m.b./dita
